Velkommen til Nissedal

I Nissedal kommune, i enden av innsjøen Nisser ligg Treungen. Ei lita, idyllisk bygd, midt i sentrum av Sør-Noreg. Her finn du aktivitetar heile året, både vinter, vår, sommar og haust.

Nede ved Nidelva

Om sommaren kan du nyte bade-, strand- og båtliv ved dei kilometer lange sandstrendene ved Nisser. Eller du kan gå tur og sykle på fjella.

Nede ved vatnet og oppe på fjellet finn du svaberg, same typen som finst ute ved sjøen. Det er lett å vandre på svaene oppe på fjellet, og det er nydeleg å strekke seg ut på berga nede ved vatnet.

Utsikt mot Skålfjell. Tursti: Tveitåsen

Om vinteren er det milevis av oppkøyrde skiløyper på Fjone, Kyrkjebygdheia og Gautefall. Den som likar å stå på alpint, finn flotte skianlegg i Vrådal og Gautefall.

I tillegg er det museum, leikeland, gamle gruver og små, sjarmerande butikkar i alle grendene i Nissedal. Aktivitetstilbodet skal me presentere nærare på denne bloggen etterkvart.

Nye hytter 2012 - 2013

Når ein er ute på tur, enten det er ferie, eller forretningar, så treng ein å sove godt. Me er stolte av å vise fram våre nye, fine hytter, som ligg midt i Treungen sentrum.

Hyttene har to soverom med sengeplass til fem. Fullt utstyrt kjøkken og stoge, bad og stor veranda. Alle hyttene har fin utsikt ned mot Nidelva, som renn ut frå Nisser.

Opplev Treungen i Nissedal med base hjå Treungen hytteutleige.
Tel: 35 04 51 08 / 905 87 322